Category: Tionghoa

Budaya-Tionghoa.Net |  Toean Liem Pegang Sin Tit Po (2 September 1929 sampe – 19 Desember 1932) 3 taon sadja ia pegang Sin Tit Po atawa satoe taon lebih sedikit dari pada ia pegang Soeara Publiek tapi hasil’nja belipet- lipet lebih banjak sewaktoe ia pegang Soeara Publiek. Saja liat pembatja soedah tida sabar pingin lekas taoe? Kali-ini saja tida aken bilang sabar pada pembatja melaenken aken saja rintji satoe persatoe:

Budaya-Tionghoa.Net |  Semendjak dari 1 Apriel 1925 bendera soerat-kabar „miskin” di kibarken dimana moesoehnja soedah tida bisa di hitoeng lagi, baek dari pers koelit poetih maoepoen pers Melajoe Tionghoa jang tida
soeka pada haloean Soeara Publiek, bahken toean Jan Hie mengataken tiap boelan’nja 10 sampe 20 doeri pers jang kepaksa di indjek oleh redactie² Soeara Publiek, tapi ini semoea boekan’nja toean Liem Koen Hian mendjadi keder, malah sebalik’nja ia kataken teros madjoe gasak semoea kebohongan², kebiasa’an² kolot jang menjesatken dan kaloe perloe kandjeng kepaksa moesti ia gasak, maka achir’nja 4 taon waktoe jang tida pendek boeat pertahanken Soeara Publiek jang berachirnja sanget tragis di mana sanget dan sanget kepaksa konsi Soeara Publiek di djoeal, tapi jang lebih menjakitken di djoeal’nja Soeara Publiek boekan ke siapa², hanja ke……… Pewarta Soerabaia! jang sedari awal memang soedah ingin keoboer satoe² saingan di kota Soerabaia.